EKHARRA

Ọbavan

Ọten
nọghan

Ikpẹdẹ 27 vbe Uzọla nọkhua UkiEkhuen vbe Ukpo 2025

Avbe Ekharra nogben Uwagboe Ogieva

EKHARRA NOKARO

1. UKI NỌ BAA NA

Uki nọ baa na, baa ẹsẹse, ogue de gbe odẹ,
ọh ma gie ima mien odẹ la ye ẹvbo eghare. ẹvbo eghare nẹ okpẹvbo. uki nọ baa na

2. WA YA LOVBIẸ

Wa ya lovbiẹ! Wa ya lovbiẹ! Wa ya lovbiẹ! ẹgiẹgiẹ wa ya lovbiẹ, uki ason ladian nẹ, nẹ ima hia ya rrulẹ gha rrie ukpo ya lovbiẹ. Wa ya lovbiẹ

3. UKI NẸ MWEN URRUKPA

Uki nẹ mwen urrukpa. Uki nẹ mwen urrukpa. ọ ye vbe erren n'ọdọyọ. ọh ye vbe iýan n’atoen. ọh ye vbe ebiebi. Uki nẹ mwen urrukpa

Avbe Ekharra nogben Uwagboe Ogieva

EKHARRA NOGIEVA

4. AGBONMWEN IH MẸ RRE

Agbonmwen ih mẹ rre. Ih ma rrie agbon ọmwan ovbere.
Vbe nọ khonmwen errie ih zẹẹ. Vbe nọ yemwen errie ih dẹẹ. Vbe nọ diamẹ errie ih lele.
Agbonmwen ih mẹ rre

5. UKI NẸ KHUI!

Uki nẹ khui!
uki nẹ khui!
egbe i ye mwen se vbe uh rrie owa. Ih mudia khẹ wẹ vbe ẹdẹ ugie. ẹmwẹn wẹ yẹ mwen n'ọmose. Uki nẹ khui!
uki nẹ khui! ye mwen rre uh gha sẹẹ owa.

6. UKI ẸRHẸNA

Uki ẹrhẹna ye vbe owen nẹ mwen oyonyon.

ọh ye vbe munen munen. ọh ye vbe konyon konyon.

ọh ye vbe ero nẹ deghe ese. Uki ẹrhẹna, rran ero rua nee ekhen ogo deghe ode ya la

Avbe Ekharra nogben Uwagboe Ogieva

EKHARRA NOGIEHA

7. ẸHI MWEN MA

Ẹhi mwen ma. Orrionmwen vbe ẹrrerre mwen wina kugbe. Egbemwen yẹẹ amen nọ mose. Egbemwen mien evbare nọ rrienrrien. Aro mwen dẹghẹ emwin nọ kanmwan. Obọ mwen mien igho. Ghẹ zẹ gumwen vbe nọ khọrọ, runmwunda nẹ ẹhi mudia na, tọ khon mien otọ vbe ọlọghọmwan agbon. ẹhi mwen ma.

8. IYEMWEN NAGBON

Iyemwen n'agbon! Iyemwen n'agbon!
Iyemwen n'agbon n'imose.
Ugha dee vb'umudia, ughi yevbe uvbi n'ebo.
Ugha giẹẹ vbe ghọghọ sirriamwen, ẹko mwen ghi von n'oghọghọ.
Ghẹ ẹre gh'iyemwen n'agbon,nọ yee vbe ẹdu n'ekhui nọrr'amen.
Iyemwen n'agbon, ẹmwen rhuẹ yẹẹ mwen.

9. ERRAMWEN NAGBON

Erramwen n'agbon!
Erramwen n'agbon n'imose.
Ugha dee vb'umudia, ughi yevbe adesusu n'ebo.
Ugha giẹẹ vbe ghọghọ sirriamwen, ẹko mwen ghi von n'oghọghọ.
Ghẹ ẹre gh'Erramwen n'agbon,nọ yee vbe ẹdu n'ekhui nọrr'amen.
Erramwen n'agbon, ẹmwen rhuẹ yẹẹ mwen.

Avbe Ekharra nogben Uwagboe Ogieva

EKHARRA NOGIENEN

10. UÝIMWEN GO, UÝIMWEN DA

Uýimwen gogogo!, uýimwen dadada!.
Uýimwen winrin vb'ẹko.
Uýimwen rri'ọmwan ma.
Uýimwen rhu'iyobọ n'ọmwan
Uýimwen gben irhurun nosoen
Uýimwen ma nẹ nọ rhuẹmwonren
Uýimwen gogogo!, uýimwen dadada!>

11. UKI NỌ YE VBE EMWIN NA TOEN

Uki nọ ye vbe emwin na toen.
Erha tie rhuẹ, Iye wẹ ma gualọ.
Ẹko i rrienrrien Uki.
Ebiebi khian so, ima ma rhen
ẹghẹ n'uki n’ọvoen khian ya ladian.
Ẹdẹ ghi rrie owiẹ fioro nian,
uki nọ voen ma ladian.
uki ghi viẹ.
Uki nọ ye vbe emwin na toen

12. OBỌ N'OBỌ

Obọ n'obọ
Obọ n'obọ n'ẹfe ni ya hio.
Obọ n'obọ ni ma gb'erra ni ma gb'iye.
Obọ n'ọpia ni ya fie m'ugbo.
Obọ n'obọ nọ miẹ ẹson kevbe nọ miẹ igho
Obọ n'obọ uh ruẹse vbẹ ẹtin vb'iwegbe nu ya ýin

Avbe Ekharra nogben Uwagboe Ogieva

EKHARRA NOGISEN

13. ẸZẸ NOGUAGBON

Ẹzẹ noguagbon! Ẹzẹ noguagbon! Amen ẹzẹ ghi si ọfọ, ẹh ghi mwen eghian. Udinmwen onren, ohan n’ugboriri. Amen nọ vbe evbarhe n’ah gha awon kevbe ah gha ya khuẹ. Okaro non vbe owiẹ, avan kevbe ason. Ẹzẹ n’okpe ugue n’agbon, oh ri hon okpa ghi sẹtin ýin agbon vbe uh wẹ ghi rrọ . Iso, ẹhoho kevbe evbu ma gba vbe u wẹ ghi rrọ. Arhamwen kevbe evbakọ ghi ýin se vbe uh wẹ ghi rrọ. Uhun wẹ okọ n’ẹzẹ khia tota yi. ẹko wẹ ehẹn hia ye. Ẹzẹ noguagbon! Ẹzẹ noguagbon! urhuẹse vbe arhuẹmwegbe kevbe iyobọ n'uh ye

Iyi oghe ivbiedo n'orre oto evboebo

14. EBO NỌ HEN ẸDO

Ebo no hen Ẹdo
Ebo n’ohon Ẹdo, ẹmwen ruẹ yẹ mwen.
ebo nọ z’Ẹdo, ebo nọ gben Ẹdo, ẹmwen ruẹ yẹ mwen.

Gui’ẹzo ekotu mẹ.
Wẹ n’iguẹsẹ nọkhua, gha maen uwẹ Edo mwen? Uwẹ n’ọmwan n’ofia.

Oýunua ọna khin ghe uh gele hon Edo.
T’ọkpa Edo hia odin, Lee eka ya see Udo Ih gualọ aro ruẹ nu kodọ gha de.
Ih gie tuẹ Ewolfu, ọmọ ogidigan kevbe Apkata nọ fu n’erre Michigan

OWOKARO

Nọgben Ebe: Uwagboe Ogieva

EKHARRA