EDANMWEN

Ọ b o t a
Ọten nọghan

Ikpẹdẹ 29 vbe Ẹdogieva vbe Uzọla UkiEkhuen vbe Ukpo 2025

Ọna ọrẹ avbe inọta kevbe ewanien ẹmwen. Ima kuen avbẹ inọta na nẹ u ya danmwen vbe nẹ u rhen Edonazẹ sẹẹ. Rhuọre ẹghẹ hia n'uh sẹtin kakabo rhen vbe na ya rriẹ ewanien ẹmwen yọọ. Inọta kevbe ewanien nẹ ọ rre ototọ ifiẹmwen na ma lọghọgbe. Ma vbe yẹẹ avbe foto ya rhuẹ igiemwin. U sẹtin gben kemwi kemwi nu ho nu guan yẹẹ iruẹmwin na yẹẹ ototọ

U mwen ifuanro isen yan ugie nu khian ya rriẹ emwanien ẹmwen yẹẹ inọta ọkpọkpa. Yẹẹ obọ kaen ewanien nuho wọ gbaẹ. Zẹẹ ọkpa vbẹ uwẹ (a), (b), (d) kevbe (e). Ziegbe nẹ inọta nọlelẹ ladian

 I N Ọ T A

1 - 14 15 - 26 27 - 38 39 - 52

Inọta ọkpa ya sẹẹ iwenen
1 - 14

ọkpa 1 eva 2 eha 3 enen 4 isen 5 ehan 6 ihinron 7 erenren 8 ihinrin 9 igbe 10 owọrọ 11 iweva 12 iweha 13 iwenen 14

Inọta ekesugie ya sẹẹ ehan yan ugie
15 - 26

ekesugie 15 enen ẹirrọ vb'ugie 16 eha ẹirrọ vb'ugie 17 eva ẹirrọ vb'ugie 18 ọkpa ẹirrọ vb'ugie 19 ugie 20 ọkpa yan ugue 21 eva yan ugie 22 eha yan ugie 23 enen yan ugie 24 isen yan ugie 25 ehan yan ugie 26

Inọta ihinron yan ugie ya sẹẹ erenren yan ọgban
27 - 38

ihinron yan ugie 27 erenren yan ugie 28 ihinrin yan ugie 29 ọgban 30 ọkpa yan ọgban 31 eva yan ọgban 32 eha yan ọgban 33 enen yan ọgban 34 isen yan ọgban 35 ehan yan ọgban 36 ihinron yan ọgban 37 erenren yan ọgban 38

Inọta ihinrin yan ọgban ya sẹẹ ọkpa yaen ekigbesiyeha
39 - 52

ihinrin yan ọgban 39 iyeva 40 ọkpa yaen iyeva 41 eva yaen iyeva 42 eha yaen iyeva 43 enen yaen iyeva 44 isen yaen iyeva 45 ehan yaen iyeva 46 ihinron yaen iyeva 47 erenren yaen iyeva 48 ihinrin yaen iyeva 49 ekigbesiyeha 50 ọkpa yaen ekigbesiyeha 51 eva yaen ekigbesiyeha 52

Inọta owo 1

Ọdionwere ghae iyan iyisen isen nẹ ivbiẹvbo isen yan ugie, inu ọkpọkpa viọre?

Danmwehọ

(a) Eva yan ugie

(b) Eva ẹirrọ vbẹ ugie

(d) Iwenen

(e) Ugie

Inọta eva 2

Inu ọrẹ afien ihinron yan ugie yẹẹ ihe eha debae iwenen vbihe eva?

(a) Erenren yaen ugie

(b) Ihinrin

(d) Ihinron yaen ọgban

(e) Enen yaen iyeva

Inọta eha 3

Uwadiae rueghe erhan emango, ọmọ erhan emango eva yaen iyeva dele kua, iwenen debae enen yaen ugie i ma dele, Vbẹ uwẹ emango nọdele kua, iweha vbihe eva kẹkẹ vbọ, Inu erhan emango ni mọen nọma kẹkẹ?

(a) Erenren yaen ọgban

(b) Enen yaen ekigbesiyeha

(d) Ọkpa yaen Iyenen

(e) Enen yaen iyeva

Inọta enen 4

Ọmokhuo dẹẹ otien ekesugie yaen iyisen, ihinrin yaen ọgban i ghi ma, ọ viẹ ọkpa ẹirrọ vbẹ ugie nẹ uyinmwen vbe nọma, inu ọghi kẹ vbe nọmaa?

(a) Eva yaen ekigbesiyeha

(b) Ewanien nọgbaẹ ẹirrọ

(d) Isen yaen ekigbesiyisen

(e) Ihinron yaen ekigbesiyeha

Inọta isen 5

Edede mien egilẹ iyisen vbẹ ugbo, ọ viẹ enen ẹirrọ vbẹ ugie n'Ẹduzọla, Uvbi viẹ isen yaen ekigbesiyeha, Adesuwa viẹ owọrọ, Inu egilẹ ọghi kẹ?

(a) Eva ẹirrọ vbẹ ugie

(b) Eha ẹirrọ vbẹ ugie

(d) Enen ẹirrọ vbẹ ugie

(e) Isen yaen ugie

Inọta ehan 6

Ekhatọ mwen emọ ikhuo erenren kevbe emọ ikpia enen, ọ ghae alimo erenren yaen iyeva nẹ iran hia umwonmwen. Inu alimo emọ ikhuo viọre?

(a) Eva yaen ọgban

(b) Eva ẹirrọ vbe ọgban

(d) Enen ẹirrọ vbe ugie

(e) Eva yaen iyeva

Inọta ihinron 7

Ọkhọkhọ Ẹseosa kevbẹ ọkhọkhọ Ivie laẹ owa Ọmọruyi, Ọmọruyi mwen ọka ekigbesiyenen. Ọkhọkhọ Ivie rriẹ ihinrin yaen ugie debae owọrọ. Ọkhọkhọ Ẹseosa rriẹ iweva ẹirrọ vbẹ iyeva, inu ọka ọghi kẹẹ?

(a) Eva yan ugie

(b) Eha

(d) Iwenen

(e) Erenren yaen ugie

Inọta erenren 8

Amadin dẹẹ ọgọ ayon nẹ avbe ọse ọre na tiẹrẹ Uyi, Osato kevbe Nosa. Uyi wen ọgọ ayon iweva vbẹ ukhionmwen, Osato wen ọgọ ayon iwenen ẹirrọ vbẹ ọgban, Nosa wen ọgọ amen igbe kevbe ọgọ ayon owọrọ vbẹ ukhionmwen. Inu ọgọ ayon Amadin dẹẹ nẹ avbe ọse ọre?

(a) Iyeva

(b) Eva ẹirrọ vbẹ ugie

(d) Iwenen

(e) Ekesugie

Inọta ihinrin 9

Ọsegbe yẹẹ okhuaẹ etomatosi nọ dẹẹ y'ihe isisen vbẹ ẹki. Isen yaen iyeva yaen iyisen ọ rrẹ okhuaẹ etomatosi ọkpa, Inu isisen ọ rrẹ okhuaẹ etomatosi eha?

(a) Ihinron yaen iyisen

(b) Ihinrin yaen iyenen

(d) Ihinron yaen iyenen

(e) Ihinron yaen ekigbesiyenen

Inọta igbe 10

Iye Sam dẹẹ erọba ofigbon vbẹ igho ẹkpo eva, ọ ghae y'ihe ọgọ ofigbon iwenen. Iye osasu do dẹẹ ọgọ ofigbon isen debae afianre eva vbẹ ọgọ ọkpa vbọ, e Sam tuẹrẹ ukhionmwen ọgọ ọkpa kua. Inu ọgọ ofigbon ọ ghi kẹ?

(a) Ọgọ owọrọ

(b) Ọgọ ehan vbẹ ukhionmwen

(d) Ọgọ ihinrin

(e) Ọgọ erenren

Inọta owọrọ 11

Erha Ẹdobọ kẹẹ iyan ọkpa yaen iyisen eva, iyan enen yan ugie mon eveva, iyan iweha mon enenen, iyan ehan mon isisen, iyan ọgban kẹkẹ, ni kẹre mon ọkpọkpa, inu iyan Erha Ẹdobọ ghi mien vbẹ ẹdẹ ọrhọ?

(a) Ihinron yaen iyisen

(b) Ihinrin yaen iyenen

(d) Erenren yaen ekigbesiyeha yaen iyisen eva

(e) Ihinron yaen ekigbesiyenen

Inọta iweva 12

Arriọba otọ Ẹdo khian sẹẹ ukpo Ẹgun, Utesi kevbe Idogbo. Iran tiẹrẹ ẹvbo arriaisen vbẹ iwina. Ivbiẹ Ẹgun ọkpa ẹirrọ vbẹ iyisen kevbe ivbiẹ Utẹsi eva yan ọgban yaen iyisen eva debae ivbiẹ Idogbo ekigbesiyeha yaen iyisen eha khuenien. Inu ẹvbo ọ ma khuenien?

(a) Ọkpa ẹirrọ vbẹ ugie yaen iyisen eha

(b) Iwenen yaen iyisen eva

(d) Ọkpa ẹirrọ vbẹ ekigbesiyeha yaen iyisen

(e) Igbe yaen iyenen yaen iyisen

Inọta iweha 13

Tẹẹ Adesuwa yẹ esuku emarria gọrrọti yaa men avbe etisa eto k'ẹghẹ k'ẹghẹ nẹ iran ya tiẹre. Etisa iweha ẹrrọ vbẹ iyisen eva ọ rrẹẹ esuku emarria gọrrọti. Vbẹ uwẹ ẹghẹ n'ọma kpẹgbe, Adesuwa yo ya men eto avbe etisa isen yaen iyeha. Inu etisa ọ ma tiẹẹ Adesuwa nẹ ọ do mẹn iran eto?

(a) Eva ọgban yaen iyisen

(b) Eva yan ugie yaen iyisen

(d) Ekigbesiyeha yaen iyisen

(e) Igbe vbe ukhionmwen

Inọta iwenen 14

Iye Enọgumwengiẹ yii ikhiavbọ yẹ ihe ihinron vbihe eha vbihe enen vbe nọrrẹ efoto nọdiakẹ inọta naa. Inu ikhiavbọ ehia khin vbẹ a gha kaẹ kugbe?

(a) Igbe yaen iyisen

(b) Erenren yaen iyeva

(d) Igbe yaen iyeha

(e) Enen yaen iyenen

Inọta ekesugie 15

Ivbiẹ esuku Itohan ihinrin yaen iyenen rhuẹẹ edanmwen. Iweva mien ama iyeva, ugie mien ama isen yaen ekigbesiyeha, iyeva mien ama isen yan ugie, ivbiesuku nikẹre mien ama iyenen, Inu ivbiesuku ọ mien ama nọgberaẹ ekigbesiyeha?

(a) Enen yaen iyeha

(b) Ihinrin yaen ọgban iyeva

(d) Ihinron yaen ọgban

(e) Iwenen yaen iyeva

Inọta enen ẹirrọ vbẹ ugie 16

Ẹdẹki yae wewe na tiẹẹ ivbiẹ emọ hia ni ho nọ rhuẹ emankaniki. Ẹvbo ekesugie rre vbẹ ẹd'okaro vb'uzọla, ẹvbo iweha rre vbẹ ẹd'ogieva vb'uzọla, ẹvbo eha yaen ugie rre vbẹ ẹd'ogieisen vb'uzọla. Inu ẹvbo ọ khuenien iwewe nẹ Ẹdẹki rhu?

(a) Ọkpa ẹirrọ vbẹ ugie

(b) Igbe yaen iyisen

(d) Ọkpa yaen ekigbesiyeha

(e) Isen yaen iyenen

Inọta eha ẹirrọ vbẹ ugie 17

A gha viẹẹ ako isisen nẹ emwan ugie debae iweviweva nẹ emwan igbe. Inu ako a ghae ra na viọre nẹ emwanhia vbẹ a gha kaẹ kugbe?

(a) Ugie yaen iyisen eha

(b) Ugie yaen iyisen eva

(d) Ọkpa yan ugie yaen iyisen eva

(e) Enen yaen iyenen

Inọta eva ẹirrọ vbẹ ugie 18

Esukuigari Ẹdowaye mwen ibiẹka ekesugie ẹirrọ vbẹ iyenen nẹẹ ibiẹkikpia kevbe ibiẹkikhuo yo. Deghẹẹ ibiẹka ikhuo ọkpa ẹirrọ vbe ugie ọ rrẹẹ Esukuigari Ẹdowaye, Inu ibiẹkikpia rrọhọọ?

(a) Erenren yaen ugie

(b) Ihinron yaen iyisen

(d) Eva yaen ekigbesiyeha

(e) Ehan yaen

Inọta ọkpa ẹirrọ vbẹ ugie 19

A fien isen yan ugie yaen iyisen yẹẹ ihe isen, kevbe rriẹ ọgban bare, vbe rriẹ ekesugie debae eha ẹirrọ vbe ugie debaẹ isen vbihe enen bare, inu non ra inu ehia khin?

(a) Ihinrin yaen iyeva

(b) Ihinron yaen iyisen

(d) Eva yaen iyisen

(e) Igbe vbe ugie

Inọta ugie 20

Ẹguaẹ dẹẹ avbe ecomputa eva ẹirrọ vbẹ iyisen. iran ghaẹ eveva nẹ ekhaẹmwen ọkpa yan ugie, kevbe viẹẹ ecomputa enenen nẹ avbẹ enogie ihinron, Inu ecomputa ọ ghi kẹẹ ra inu ecomputa Ẹguaẹ khian ghi loo?

(a) Erenren yan ugie

(b) Ihinron yaen ekigbesiyeha

(d) Enen yaen ọgban

(e) Eha yan ugie

Inọta ọkpa yan ugie 21

Ohuẹ gbẹẹ uzo iyeha vbẹ oha ọbafi, Ọdionwere viẹẹ igbe, eniwaen ẹvbo iweva viẹẹ eveva, inu ọghi kẹ?

(a) Igbe yaen iyisen

(b) Erenren yaen iyeva

(d) Ehan yan ugie

(e) Enen yaen iyenen

Inọta eva yan ugie 22

Iyamu gbọẹ erhan igari ọgban vbẹ ugbo vb'UkiEgbọ, ọkpọkpa mon ọmọ ihinrin, erhan igari eva kẹkẹ, inu ọh rrọe ẹghẹ orrọ?

(a) Igbe yaen iyisen

(b) Enen ẹirrọ vbẹ iyisen

(d) Eha yan ugie

(e) Isen yaen ekigbesiyeha

Inọta eha yan ugie 23

Tẹẹ ivbiemintin Akugbe Soshia Klub zẹẹ osusu ukpukpo. iran iweha ọrrẹ emintin. Orhien eha zẹẹ enairra ẹkpo ọkpọkpa, ivbiotu erenren, ọkpọkpa zẹẹ ukhionmwen ẹkpo, iran nikẹre ọkpọkpa zẹẹ ẹkpo ọkpa vbẹ ukhionmwen. Inu igho iran ghi sikoko mu nẹẹ ovbiotu?

(a) Enairra ẹkpo ugie

(b) Enairra ẹkpo ekesugie

(d) Enairra ẹkpo ogban

(e) Enairra ẹkpo igbe

Inọta enen yan ugie 24

Iye ogbẹ viẹ ọghẹdẹ yẹẹ ẹkiọba yaa khien. ọh viẹẹ avbe uze ọghẹdẹ igbe nẹ ọkpọkpa mwen ikpẹ ọghẹdẹ ekesugie , uze ọghẹdẹ eva defua vbẹ imoto nọlae, inu ikpẹ ọghẹdẹ ọh ghi viọ sẹ ẹki?

(a) Ikpẹ ọghẹdẹ eha yaen iyisen

(b) ikpẹ ọghẹdẹ eva yaen iyisen

(d) Ikpẹ ọghẹdẹ ugie yaen iyisen

(e) Ikpẹ ọghẹdẹ igbe yaen iyisen

Inọta isen yan ugie 25

Eprinsipa esuku ivbiotọ ghae ẹwu intahausipọti nẹ ivbiesuku ivbiotọ iwenen yaen iyisen, ivbiesuku ikhuo ugie kevbẹ ivbiesuku ikpia ọgban ma rre vbẹ ẹdẹ ugie intahausipọti. Inu ivbiesuku ọ yẹẹ ẹwu nẹ eprinsipa ghae?

(a) ivbiesuku enen yaen iyeha

(b) ivbiesuku enen yaen iyeva

(d) ivbiesuku eha yaen iyenen

(e) ivbiesuku ekigbesiyenen

Inọta ehan yan ugie 26

Owere mwen epotry ra ugbo ọkhọkhọ vbe ẹvbo Avbiama. Tẹẹ ọkhọkhọ ọkpọkpa nen eken ọkhọkhọ igbigbe vbẹ ukiuki. Eken ọkhọkhọ arriaisen iweva Owere rrọọ vbẹ ukpukpo, sokpan vbẹ ukpo n'ọgberra, avbe ọkhọkhọ ihinron yaen ugie wulo nẹ ọma sẹtin nen eken. Inu eken ọkhọkhọ owere rrọe vbẹ ukpo n'ọgberra?

(a) Eken iyeha yaen iyisen ihinron yaen arriaisen erenren

(b) Eken ekigbesiyeha yaen iyisen

(d) Eken iyenen yaen iyisen erenren

(e) Eken iyeva yaen iyisen enen

Inọta ihinron yan ugie 27

Owa ilemakhọkhen nọrre ukpo ogida vbẹ orẹdo, Ọmọsẹfe na lẹẹ evbare khien. Ema vbẹ uwonmwen ebe ọdondon vbẹ egilẹ ọh lee khien. Ekhen igbe ọ yẹẹ evba ni vbẹ ẹdẹ yaa rriẹ ema na gbalọẹ eveva. Ọmọsẹfe i kiẹ isiwina vbẹ ẹdẹ uzọla nọkhua. Inu ema avbẹ ekhen ree vbẹẹ uzọla enen?

(a) Ema iyenen yaen iyisen ihinron

(b) Ema ugie yaen iyisen

(d) Ema iyeva yaen iyisen erenren

(e) Ema iyenen yaen iyisen enen

Inọta erenren yaen ugie 28

Ivie, agbons kevbe ẹdẹrrao lae kẹkẹnape vbẹ epaki nọrrẹ iyaro. Ọkpọkpa zẹẹ enairra ikpen ọkpa vbẹ Isele igbe nẹ ọguikẹkẹ. Inu igho iran hae vbẹ agha kaẹ kugbe?

(a) Enairra erenren yaen ugie

(b) Enairra ihinron

(d) Enairra ihinron yaen ọgban

(e) Enairra ihinrin

Inọta ihinrin yaen ugie 29

Isiwina na tiẹre RCC yae wewe wẹrẹ iran gualọ orhien ekigbesiyeha yaen iyisen eva vbẹ iwina. Ẹvbo owọrọ yaen iyisen khuenien. Emanegia ọghẹ RCC vbe viẹ avbẹ ọse ọre iwenen rre. Inu emwan i ma khuenien?

(a) Ẹvbo ugie yaen iyisen

(b) Ẹvbo isen yan ugie yaen iyisen

(d) Ẹvbo ekigbesiyeha

(e) Ẹvbo ihinrin yaen iyisen

Inọta ọgban 30

Ọkpemaba Ukodo kpẹẹ ihuan ladian nọ mwanmwan yẹẹ avbẹ esidi arriaisen vbẹ estudio ọghẹ akpola. Avbẹ esidi iyenen guọghọ vbọ. Ivbiẹdo ọkpa yaen iyisen vbe dẹẹ vbọ. Deghẹ esidi isisen, ivbiẹdo ọkpọkpa dẹẹ, inu esidi ọkpemaba Ukodo i ma khien?

(a) Esidi ugie yaen iyisen

(b) Esidi isen yan ugie yaen iyisen

(d) Esidi ekesugie yaen iyisen enen

(e) Esidi ihinrin yaen iyisen

Inọta ọkpa yaen ọgban 31

Inu'igho ọrẹ "Enairra ikpen ugie yaen iyisen" debae "ẹkpo ọkpa vbẹ ukhionmwen ẹkpo" vbẹ igho n'aka vbẹ Ẹdonazẹ ?

(a) Enairra ẹkpo ugie yaen iyisen

(b) Enairra ikpen ugie yaen ẹkpo eva vbẹ ukhionmwen ẹkpo

(d) Enairra ẹkpo ekigbesiyeha

(e) Enairra ẹkpo ihinrin yaen iyisen

Inọta eva yaen ọgban 32

Ẹgbẹ Osunde dugie oronmwen. Abiẹyuwa kevbe Osunde khian ronmwen egbe. Iran dẹẹ ekaton estaut eha nẹ ọkpọkpa mwẹn ọgọ iweva, ekaton ebiẹ enen nẹ ọkpọkpa mwẹn ehan kevbe ekret ekoki isen nẹ ọkpọkpa mwẹn enen yaen ugie. Inu ọgọ ayon iran dẹẹ?

(a) Ọgọ ayon iyenen yaen iyisen

(b) Ọgọ ayon eha yan ugie yaen iyisen

(d) Ọgọ ayon ekigbesiyeha yaen iyisen

(e) Ọgọ ayon ugie yaen iyisen

Inọta eha yaen ọgban 33

Iye ọtabọ kevbẹ ivbiọmọren na tiẹrẹ Ẹbiuwa, Ẹse, Iziegbe kevbe Ivie kpara gha rriẹ ọkpen ẹzẹ ya khuẹ kevbe ya họọ ukpon. ọkpọkpa mien ozi iweva mu vbẹ odẹ. Inu ozi iran hia mien viọ gha rriẹẹ owa?

(a) Ozi erenren yaen iyeva

(b) Ozi iyeva

(d) Ozi iyeha

(e) Ozi iyenen

Inọta enen yaen ọgban 34

Egbon viẹẹ ukpon aloko iyisen kevbẹ ibata iyenen kẹẹ italy rre do khien vbẹ Ẹdo. Ukpon iyeva sọlọẹ vbọ, ibata ugie vbe bannon vbẹ ototọ nẹ iran i ma dẹẹ. Inu ukpon kevbẹ ibata Egbon khien?

(a) Ukpon iyenen, ibata erenren yaen iyeva

(b) Ukpon ekigbesiyeha, ibata iyeva

(d) Ukpon iyeha, ibata iyeha

(e) Ukpon iyeva, ibata iyenen

Inọta isen yaen ọgban 35

Ukpukpo erhan ohun Ekhatọ ya mon ohun nọbun. Ukpo na, vb'uwẹ ohun nẹ erhan ohun Ekhatọ monren, Isọken kọlọẹ ọgban yaen iyisen yaa khien vbẹ ẹki. Ọvbokhen Ekhatọ yẹẹ aden kpaen ohun iyeha nẹ avbẹ ọse ọre. Ohun iyenen khuonon kua. Inu ohun, erhan ohun Ekhatọ monren ukpo na?

(a) Ohun erenren yaen iyeva

(b) Ohun iyeva yaen iyisen

(d) Ohun iyeha yaen arriaisen

(e) Ohun ekigbesiyenen yaen iyisen eva

Inọta ehan yaen ọgban 36

Enogie Ẹwohimwi dugie Iguẹ. Ọh yae wewe na tiẹrẹ ẹvbo iyisen eva. Avbẹ adesusu kevbe ivbialeke Ẹwohimwi iyeha yoo. Ivbiesan enen yaen iyeva nọrrẹ orẹdo mu iku igbabọnẹhimwin gha khian. Ivbialeke eva yan ugie nọrrẹ Eko mu iku emamase gha khian. ikpemaba eha vbe yo ya ku. Inu ẹvbo ọ ma yoo?

(a) Ẹvbo erenren yaen iyeva

(b) Ẹvbo ọkpa yaen ekigbesiyenen

(d) Ẹvbo iyeha yaen arriaisen

(e) Ẹvbo ekigbesiyenen

Inọta ihinron yaen ọgban 37

Ivbie Ganna rriẹ Ẹdo do winna. Iran viẹ avbẹ amwen, emọ kevbe ivbiemọ lelegbe rre. Deghẹ ivbiemọ iyeha, emọ iyenen, amwen ugie ọ rrẹ uwe emwan iyisen eva nọrre, Inu ọrẹ avbẹ erha iran nọrre ra nọ viẹẹ iran rre

(a) Iran iyisen

(b) Iran iyeha

(d) Iran iyenen

(e) Iran iyeva

Inọta erenren yaen ọgban 38

Uwaila mwen aza ọkhọkhọ vbẹ ukpo oliha vbẹ orẹdo. Ọkhọkhọ ugie họlọ eken ọkhọkhọ ekigbesiyenen yaen iyisen. Ọkhọkhọ iweva họlọ eken ọkhọkhọ iweniwenen. Ọkhọkhọ iyeva họlọ eken ọkhọkhọ igbigbe. Inu eken ọkhọkhọ avbẹ ọkhọkhọ Uwaila họlọẹ?

(a) Eken ọkhọkhọ erenren yaen iyeva yaen iyisen ihinrin

(b) Eken ọkhọkhọ erenren yaen iyeva yaen iyisen ihinron

(d) Eken ọkhọkhọ ihinron yaen iyeha yaen iyisen

(e) Eken ọkhọkhọ enen yaen iyeva yaen iyisen ihinron

Inọta ihinrin yaen ọgban 39

Okoro vbẹ ivbiẹre mwen owaa nẹ iran na yẹẹ ẹronmwon kun emwin ughughan vbẹ ore igun vb'orẹdo n'Ọba ye. Iran mwen ada vbẹ eben ugie, uhun iyọba nẹ iye Ẹsigie iwenen, iden nẹ okpokhuo iyeva debae avbe kemwin kemwin iyeha. Inu emwin iran kun na khien?

(a) Iyisen eva

(b) Eva yaen iyeva yaen iyisen

(d) Enen yaen ọgban yaen iyisen

(e) Ugie yaen iyisen

Inọta iyeva 40

Odubu vbẹ Ọmosigho, ọdọ vbẹ amwẹn iran khin. Iran mwẹn owaa vbẹ ẹkiosa nẹ iran na khien ẹbo izẹ, ere, isaiwẹ kevbẹ ikporu. Deghẹ ukpu iyeha ọrrẹ ẹbo ọkpọkpa. Inu ukpu ọrrẹ ẹbo emwin hia nẹ iran khien?

(a) Iyisen eva

(b) Eva yaen iyeva yaen iyisen

(d) Enen yaen ọgban yaen iyisen

(e) Iyeva yaen iyisen eva

Inọta ọkpa yaen iyeva 41

Osifo mwen emọ ikhuo enen. Ukpo eveva iran ya sẹẹ egbe. Uwaila ọrẹ ọdion, Ẹbuwa ọrẹ ukpogieva, Ẹhizọgie ọrẹ ukpogieha, Imada na ghaẹ ukpogienen. Deghẹ eh n'ọdion rrẹẹ ukpo enen ẹirrọ vb'ugie. Inu ukpo iran nikẹre ye?

(a) Uwaila rrẹẹ ukpo iwenen, Imade rrẹẹ ukpo iweva, Ẹhizọgie rrẹẹ ukpo igbe

(b) Ẹbuwa rrẹẹ ukpo iwenen, Imade rrẹẹ ukpo iweva, Ẹhizọgie rrẹẹ ukpo igbe

(d) Uwaila rrẹẹ ukpo iwenen, Ẹhizọgie rrẹẹ ukpo iweva, Imada rrẹẹ ukpo igbe

(e) Ẹbuwa rrẹẹ ukpo iwenen, Ẹhizọgie rrẹẹ ukpo iweva, Imada rrẹẹ ukpo igbe

Inọta eva yaen iyeva 42

Tẹẹ Ọmọzogie yẹẹ ẹki ọmuisan yaa dẹẹ okhuaẹ ako nẹ ọh khien vbẹ ẹki oliha. Iyi iweva ẹrọ mien vbẹ okhuaẹ ako ọkpa. Okhuaẹ ako isen Ọmọzogie dẹẹ vbẹ uzọla. Inu iyi ọkhien vbẹ uki ọkpa?

(a) Iyi arriaisen

(b) Iyi iyeha yaen iyisen eva

(d) Iyi iyeva yaen iyisen eva

(e) iyi ekigbesiyeha

Inọta eha yaen iyeva 43

Ivbiẹ otu iyobọ ẹvbo na tiẹrẹ Oseghe Ẹdo Asọsiesion ruizọhẹ igho nẹ iran ya dẹlẹ avbẹ emwin nọbun ya ghaẹ nẹ ivbiemwan hia ni gualẹẹ iyobọ vbẹ Otẹdo n'Ọba ye. Ẹvbo iyeha ọrrẹ otu na. Iran ugie zẹẹ enairra ikpen ugie, iran iweha zẹẹ ikpen iyenen, iran nikẹre ọkpọkpa zẹẹ ukhiomwen ẹkpo. Inu igho iran hia zẹẹ kugbe?

(a) Enairra ẹkpo kpo arriaisen

(b) Enairra ẹkpo iyeha yaen iyisen eva

(d) Enairra ikpen isen yaen ekigbesiyisen yaen ẹkpo ekesugie

(e) Ẹkpo ekigbesiyeha

Inọta enen yaen iyeva 44

Arriọba otọ-Ẹdo muen ukpa etrafiki yẹẹ eke n'ukpo eSapẹlẹ kevbẹ ukpo eDumezi na miegbe vbẹ ore Ẹdo n'Ọba ye. Deghẹ okotọ iweva ọ lẹẹ evba gberra vbẹ uzọla, Inu okotọ ọ lẹẹ evba gberra vbẹ uki eva vb'ukhionmwen?

(a) Okotọ ehan yaen ekigbesiyisen

(b) Okotọ iweva yaen iyisen

(d) Okotọ ugie yaen iyisen

(e) Okotọ erenren yaen iyeva

Inọta isen yaen iyeva 45

Ivbiẹẹ owebe nọyosẹ ọ ghẹẹ "Univasiti oghe Bini" isen yan ọgban yẹẹ Abugia ya rhu edanmwen. Ivbiẹẹ owebe nọyosẹ igbe lae Ebọsi gha khian. Iran ihinrin luẹ emansini ọ ghẹẹ iran ya gha khian. Eha vbọ lae okotọ Erha iran. Ivbiẹẹ owebe nọyosẹ nikẹre luẹẹ okerren ya gha khian. Inu Ivbiẹẹ owebe nọyosẹ ọ luẹẹ okerren ya gha rriẹẹ Abugia?

(a) Ivbiẹ owebe iweva

(b) Ivbiẹ owebe iwenen

(d) Ivbiẹ owebe iweha

(e) Ivbiẹ owebe ekesugie

Inọta ehan yaen iyeva 46

Tẹẹ Adamu kokẹẹ Ẹmila vbẹ Aduwawa, ọ mwen Ẹmila isen yaen ekigbesiyenen nọ dẹẹ vbẹ ada muen ukpo hen. Uzọla uzọla ọ ya gbẹẹ ọkpọkpa khien nen ikhuo ẹki. Uwẹẹ Ẹmila Amamu, igbe wulo vbọọ. Inu Ẹmila Adamu ọghi kẹẹ vbẹ uki enen foo?

(a) Ẹmila ihinrin yaen iyeha

(b) Ẹmila ihinron yaen iyeva

(d) Ẹmila ihinrin yaen iyeva

(e) Ẹmila enen yaen ekigbesiyeha

Inọta ihinron yaen iyeva 47

Ọbasuyi mwen emọ ikhuo enen. Oduwa, Ẹseọhẹ, Ẹhiuwa kevbẹ Ẹkinadose. Ẹhiuwa mwen Adesusu n'erha nagbon onren. Ọbasuyi ghae ukhu ẹre nẹ emọ ikhuo hia nọmwen umwomwen. Deghẹẹ enairra ẹkpo ugie ọrẹ ukhu nẹ Ọbasuyi mwen, inu igho ọsẹẹ Oduwa kevbẹ Ẹseọhẹ obọ?

(a) Oduwa ẹkpo isen, Ẹseọhẹ ẹkpo isen

(b) Ẹseọhẹ ẹkpo enen, Oduwa ẹkpo isen

(d) Ẹseọhẹ ẹkpo igbe, Oduwa ẹkpo eva

(e) Oduwa ẹkpo enen, Ẹseọhẹ ẹkpo enen

Inọta erenren yaen iyeva 48

Ọmọ n'Ọba n'Ẹdo ukpu akpọlọkpọlọ, Ọba Akenzua n'iso n'orhọ gie na tiẹẹ enigie, edion-owere, ekhaẹmwen kevbẹ eniwaen ẹvbo n'ọrrẹ igue hia n'ọrrẹ otọ Ẹdo n'Ọba ye. Enigie eva yan ugie, edion-owere isen yaen ọgban, ekhaẹmwen ekesugie kevbẹ eniwaen ẹvbo eha yaen iyeha khuenien. Inu ẹvbo ọ yẹẹ ẹguaẹ Ọba?

(a) Isen yaen iyeva yaen iyisen

(b) Isen yaen ọgban yaen iyisen

(d) ekesugie yaen iyisen

(e) ehan yaen ọgban yaen iyisen

Inọta ihinrin yaen iyeva 49

Tẹẹ Ọmọzogie yẹẹ ekpamankpu nọkhua ya wewe emwiokọ lelẹẹ ore nọkhien. Ukhuerre ugie, alubarra iyeha, ekhue eva yaen iyeva, alimo ọgban kevbẹ ekarrọt enen yaen ekigbesiyeha ọ dẹẹ khien vb'uzọla. Inu emwiokọ ọ dẹẹ khien vb'uki ọkpa?

(a) Emwiokọ erenren yaen iyisen eva

(b) Emwiokọ ehan yaen iyisen eva

(d) Emwiokọ eva yaen ekigbesiyeha

(e) Emwiokọ ugie yaen iyisen eva

Inọta ekigbesiyeha 50

Tẹẹ Iye-ẹghẹ wae etomatosi nẹ ọ khien vbẹ ẹkiosa. Ọ viẹẹ etomatosi iyeha gha rriẹ ẹki. Uyi dẹẹ etomatosi ihinron, Imade dẹẹ ekesugie, Amen dẹẹ igbe. Ọ yẹẹ ehan nẹ Iyore kevbe viẹẹ ihinrin nẹ Ivie. Inu etomatosi Iye-ẹghẹ viọ gha rriẹẹ owa nẹ ọ ma ghi khien vbẹ ẹki?

(a) Etomatosi enen

(b) Etomatosi ugie

(d) Etomatosi iweha

(e) Etomatosi ekesugie

Inọta ọkpa yaen ekigbesiyeha 51

Ivbie ọmọzogie enẹn kevbe Nosa, Esigie, Ivie vbẹ ivbiẹẹ Uwaila isen, kpara gha rrie ugbo ọghẹẹ Aghatotikolo ya kpano avbe ọka. Iran ehan kevbe Ivie werriegbe gha rrie owa vbẹ odẹ. Inu ẹvbo ọ ghi sẹẹ ugbo Aghatọtikolo?

(a) Iran enen

(b) Iran ihinron

(d) Iran isen

(e) Iran iweva

Inọta eva yaen ekigbesiyeha 52

Ọmuwa vb'Imade mu ugbo ọka vbẹ Ẹvboesi. Eka ọkpọkpa iran mu. Ọmuwa kẹẹ ikpẹ ọka iyisen ihinron, isen yaen iyeva ma i ghi zọọ vbọ. Imade kẹẹ ikpẹ ọka iyisen erenren, iyenen ma i ghi zọọ vbọ. Inu Ikpẹ ọka ọghẹ Ọmuwa kevbẹ Imade kọẹ nẹ ọma i ghi zọọ?

(a) Ikpẹ ọka ehan yan ugie yaen iyisen

(b) Ikpẹ ọka isen yan ugie yaen iyisen

(d) Ikpẹ ọka isen yan ugie yaen iyisen eva

(e) Ikpẹ ọka ihinron yan ugie yaen iyisen